ՎԶԵԲ-ի Էներգոկրեդիտ ծրագիրը Հայաստանում գործող բիզնեսներին ֆինանսական աջակցություն է տրամադրում էներգաարդյունավետ ներդրումներ կատարելու համար

28/09/2016

Երևան. Վերակառուցման և զարգացման եվրոպական բանկի (ՎԶԵԲ) Էներգոկրեդիտ ծրագրի նախաձեռնությամբ Երևանում տեղի ունեցավ էներգաարդյունավետության վերաբերյալ ֆորում Հայաստանում գործող բիզնեսների համար: Միջոցառումն անցկացվեց EU4Energy  թեմայի ներքո՝ Եվրոպական միության Էներգախնայողության օրերի շրջանակում, որը նախաձեռնել է Հայաստանում Եվրոպական միության պատվիրակությունը: Ֆորումն արդյունավետ հարթակ ծառայեց հիմնական շահակից կողմերի ու Հայաստանում գործող բիզնեսների համար՝ քննարկելու էներգաարդյունավետ ներդրումներ կատարելու ֆինանսավորման հնարավորություններն ու շահավետությունը:

click at this page  

Միջոցառմանը ներկա էին Էներգոկրեդիտ ծրագրի դոնոր կազմակերպությունների՝ ՎԶԵԲ-ի, Հայաստանում Եվրոպական միության պատվիրակության, Հայաստանում ՀՀ Էներգետիկայի նախարարության ներկայացուցիչներ, գործընկեր բանկերի, բիզնեսների և հանրային կառույցների ղեկավար աշխատակիցներ:  click here

please click for source  

Էներգոկրեդիտը Վերակառուցման և զարգացման Եվրոպական բանկի (ՎԶԵԲ) ծրագիրն է, որն իրականացվում է Եվրոպական միության և Ավստրիայի ֆինանսների նախարարության համաֆինանսավորմամբ:

here  

«Վերակառուցման և զարգացման եվրոպական բանկի նպատակներից մեկը Հայաստանում և այլ երկրներում կայուն և մրցունակ տնտեսություն կառուցելն է»,-նշել է ՎԶԵԲ-ի երևանյան գրասենյակի տնօրեն Մարկ Դեյվիսը: click the following article

http://dwpelectricalupgrade.com/map  

http://meblefila.pl/?map «Գործունեությունը, որ ծավալում ենք մեր գործընկեների հետ համատեղ, նպատակ ունի օգնել բիզնեսներին ու տնային տնտեսություններին գտնել և ֆինանսավորել համապատասխան էներգաարդյունավետ միջոցներ, որն այդ գործընթացի կարևոր բաղադրիչն է»: 

 

«Էներգաարդյունավետությունը և վերականգնվող էներգիան գլոբալ տաքացման փոփոխությունները մեղմելու ԵՄ-ի հանձնառության հիմքում են: Մենք հավատում ենք, որ Հայաստանի կառավարությունը կգործարկի խթանիչներ էներգաարդյունավետությանն ուղղված ներդրումների համար, և Եվրոպական միությունը կաջակցի Հայաստանի կառավարությանը և քաղաքացիներին` ապահովելու համար Հայաստանի կողմից արդյունավետ և անկախ կերպով այլընտրանքային էներգետիկ ռեսուրսների օգտագործումը», - նշել է Հայաստանում Եվրոպական միության պատվիրակության Համագործակցության բաժնի ղեկավար Հոա-Բին Աջեմյանը:

 

Երբ էներգիայի գները բարձրանում են, էներգաարդյունավետությունը ցանկացած բիզնեսի համար դառնում է առաջնահերթություն: Էներգոկրեդիտը ֆինանսավորման գործիքներ է տրամադրում Էներգախնայող սարքավորումների մեջ ներդրումներ կատարելու համար տարբեր ոլորտներում՝ գյուղատնտեսություն, շինարարություն, արտադրություն, տրանսպորտ և  այլն: Էներգոկրեդիտ ֆորումի ընթացքում ներկայացված Հայաստանում կիրառված լավագույն փորձառությունը ապացուցեց, որ էներգաարդյունավետ սարքավորումների մեջ ներդրումներ կատարելով՝ հնարավոր է քաղել երկարաժամկետ օգուտներ և ունենալ էներգիայի ծախսի մինչև 60% խնայողություն: Խնայվող գումարն ու էներգիան հնարավոր է նորից ներդնել բիզնեսի այլ առաջնահերթ ոլորտներում՝ բիզնեսի կայունությունն ապահովելու և շրջակա միջավայրը պահպանելու համար: Կորպորատիվ վարկերի ֆինանսավորումն իրականացվում է Հայաստանում գործընկեր բանկերի ու ֆինանսական հաստատությունների օժանդակությամբ, ինչպիսիք են՝ HSBC Հայաստանը, Ամերիաբանկը, ԱԿԲԱ-Կրեդիտ Ագրիկոլ Բանկը, ԱԿԲԱ լիզինգը, Ինեկոբանկը, ՍԵՖ Ինտերնեյշնլը և ԱրմՍվիսԲանկը:

 

Էներգոկրեդիտը տրամադրում է նաև վարկեր անհատնեին՝ բնակարաններում էներգաարդյունավետ վերանորոգում կատարելու և էներգախնայող սարքավորումներ գնելու համար՝ ջեռուցման, օդորակման և էներգիայի օգտագործման ծախսերը նվազեցնելու նպատակով: Այս ներդրումն օգնում է տնային տնտեսություններին նվազեցնել էներգիայի սպառումը ինչն էլ, իր հերթին, օգնում է խնայել գումար և պահպանել շրջակա միջավայրը:

 

Վերջին երեք տարիներին, Հայաստանում Էներգոկրեդիտը ֆինանսական աջակցություն է ցուցաբերել ավելի քան 9,000 տնային տնտեսությունների և 17 ընկերությունների ՝ տրամադրելով 15 մլն եվրոյի չափով վարկեր՝ նախատեսված կովկասյան տարածաշրջանում էներգաարդյունավետ ներդրումներ կատարելու համար: Սա հնարավորություն է տվել հաճախորդներին խնայել տարեկան մոտ 128 ԳՎտժ էներգիա, ինչը հավասարազոր է մոտ 10,000 տնային տնտեսությունների տարեկան էներգիայի պահանջին:

 

Էներգոկրեդիտի մասին

Էներգոկրեդիտը Վերակառուցման և Զարգացման Եվրոպական Բանկի (ՎԶԵԲ) ծրագիր է, որն իրականացվում է Կովկասյան տարածաշրջանում: Տեղական ֆինանսական հաստատությունների, ներառյալ բանկերի միջոցով վարկեր են տրամադրվում կորպորատիվ և անհատ օգտատերերին` էներգախնայող և վերականգնվող էներգիայի ներդրումներ և ծրագրեր իրականացնելու նպատակով:   Էներգոկրեդիտի վարկային փաթեթն առաջարկում է առավելություններ, ինչպիսիք են` կանխիկ գումարի վերադարձի հնարավորությունն ու անվճար տեխնիկական փորձագիտական օժանդակությունը: ԵՄ Հարևանության Ներդրումային Ծրագրի հետ համատեղ Ձեզ առաջարկվում է Էներգոկրեդիտ վարկի 10% կամ 15% չափով գումարի վերադարձ` էներգախնայող ներդրման համար: Ավստրիայի ֆինանսների նախարարության օժանդակությամբ միջազգային փորձագետների կողմից տրամադրվում է նաև խորհրդատվություն:

Մանրամասների և աջակցության համար այցելեք www.energocredit.am կայք:

 

ԶԼՄ հարցումների համար դիմել Տաթևիկ Ավետիսյանին՝ + 374 93 76 16 83; tatevik.avetisyan@energocredit.com